टाटा जेन्युइन पार्ट्सको मेला : उपहारमै पल्सर मोटरसाइकल

काठमाडौं, २ असोज । टाटा मोटर्सका टाटा जेन्युइन पार्ट्स, टाटा अटोमोटिभ फ्लुइड्स र टाटा ड्युराफिट पार्ट्सका लागि नेपालको आधिकारिक वितरक सिप्रदी अटोपार्ट्स प्रालिले दशैँ, तिहार र छठ पर्वलाई लक्षित गर्दै विशेष योजना सार्वजनिक गरेको छ ।

“पर्वको बेला टाटा जेन्युइन पार्ट्सको मेला” नाम दिइएको यस योजनाअन्तर्गत ग्राहकहरूले प्रत्येक खरिदमा आकर्षक उपहार पाउने अवसर पाउनेछन् । हालै संवेदनशील परिस्थितिका कारण स्थगित गरिएको अफरलाई कम्पनीले पुनः सुरु गर्दै यस वर्षको प्रमुख पर्वमा फेरि अघि सारेको हो । ग्राहकहरूले हरेक खरिदमा रु. १,००० सम्मका क्यासब्याक कुपन प्राप्त गर्नेछन् भने लक्की ड्रमार्फत बम्पर उपहारसहित विभिन्न पुरस्कार जित्ने मौका पाउनेछन् ।

• रु. १ लाखभन्दा बढीको खरिदमा १५० सिसिको बजाज पल्सर मोटरसाइकल
• रु. ७५ हजारभन्दा बढीको खरिदमा १२५ सिसिको टिभिएस स्कुटर
• रु. २५ हजारभन्दा बढीको खरिदमा स्मार्ट टिभी
• रु. ५ हजारभन्दा बढीको खरिदमा स्मार्टफोन

कम्पनीका अनुसार टाटा जेन्युइन पार्ट्सले गाडीका इन्जिन, ब्रेक, क्लच जस्ता संवेदनशील अङ्गलाई दिगो संरक्षण गर्ने, मर्मत खर्चमा बचत दिलाउने र सवारीसाधनको समग्र प्रदर्शनमा सुधार ल्याउने सुनिश्चित गर्छ ।