जेनजी आन्दोलनको क्षति : पौने २१ अर्बको बीमा दाबी, सबैभन्दा बढी ओरियन्टल इन्स्योरेन्समा

काठमाडौं । भ्रष्टाचार र कुशासनविरुद्ध भदौ २३ र २४ गते भएको जेनजी आन्दोलनका क्रममा तोडफोड र आगजनीले बीमा क्षेत्रमा ठुलो क्षति पुर्याएको छ । नेपाल बीमा प्राधिकरणका अनुसार आन्दोलनपछि बीमा कम्पनीहरूमा करिब २० अर्ब ७० करोड ३८ लाख रुपैयाँ बराबरको दाबी दर्ता भएको छ ।

प्राधिकरणले भदौ ३१ गतेसम्मको विवरण सार्वजनिक गर्दै १८ वटा बीमा कम्पनीमा जम्मा १ हजार ९८४ वटा बीमा दाबी परेको जनाएको छ । सबैभन्दा धेरै दाबी ओरियन्टल इन्स्योरेन्समा परेको छ । कम्पनीमा मात्र ४० वटा बीमा बापत ५ अर्ब १४ करोड ७९ लाख ६५ हजार रुपैयाँ बराबरको दाबी दर्ता भएको छ ।

बीमा प्राधिकरणका अधिकारीहरूका अनुसार तोडफोड, आगलागी, तथा अन्य सम्पत्तिगत क्षति मुख्य कारण रहेकाले दाबीको वास्तविक मूल्यांकन र क्षतिपूर्ति वितरण प्रक्रिया अझै जारी छ ।