टी–तीनपाँचदुई–एक्स र टीदुईपाँचदुईएक्स नेपाली बजारमा प्रवेश

काठमाडौं, २२ साउन । काठमाडौंमा सुरु भएको नेपाल मोबिलिटी प्रदर्शनी २०८२ मा मोर्बिडेली नेपालले आफ्ना दुई नयाँ मोटरसाइकल टी–तीनपाँचदुई एक्स र टी–दुईपाँचदुई–एक्स सार्वजनिक गरेको छ।
यी मोटरसाइकलहरू इटालीको नमूनामा आधारित भए पनि नेपाली भूगोल र सडकको अवस्थालाई ध्यानमा राखेर बनाइएको कम्पनीले जनाएको छ। मोर्बिडेली नेपालका बिक्री तथा प्रचार–प्रसार विभाग प्रमुख नवराज घिमिरेले कार्यक्रममा बोल्दै यी दुई मोडेलमार्फत नेपाली यात्रुलाई अन्तर्राष्ट्रिय स्तरको साहसिक अनुभव दिन खोजिएको स्पष्ट पारे।
टी(तीनपाँचदुई(एक्स मध्यम आकारको यात्रामुखी मोटरसाइकल हो जसले दुर्गम, उकालो–ओरालो तथा असहज बाटोमा पनि सन्तुलन र उच्च क्षमताका साथ यात्रा गर्न सकिने सुविधा दिन्छ। यस मोटरसाइकलमा तीनसय उनन्चास दशमलव दुई घनसेंटीमिटर क्षमताको दुईवटै सिलिन्डर भएको इन्धनमा चल्ने यन्त्र जडान गरिएको छ।
यसले आठ हजार पाँच सय घुम्तीमा चालिस दशमलव नौ अश्वशक्ति उत्पादन गर्छ भने इकत्तीस दशमलव पाँच न्युटन–मिटर घुमाउने बल प्रदान गर्छ। यसमा छचक्के गियर प्रणाली, दुई च्यानलको रोक प्रणाली, पछिल्लो पाङ्ग्रालाई थुता नदिने यन्त्र, सात इन्चको रंगीन देखाउने पर्दा, पिरेली कम्पनीका टायर, अगाडि उल्टो झुल्ने फलामे डन्डी र पछाडि जोडिने झोलयुक्त सन्तुलक प्रणाली रहेको छ।
यसमा अठार लिटरको इन्धन ट्याङ्की राखिएको छ। टी–तीनपाँचदुई–एक्सको प्रदर्शनी बाहेकको मूल्य नौ लाख सत्तानब्बे हजार रूपैयाँ तोकिएको छ भने प्रदर्शनी अवधिमा नौ लाख तेइस हजार रूपैयाँमा पाइने अफर दिइएको छ। त्यस्तै, टी(दुईपाँचदुई(एक्स विशेष गरी नयाँ पुस्ताका सहरमा बस्ने चालकहरूको लागि लक्षित मोटरसाइकल हो।
यसमा दुईसय उनन्चास घनसेंटीमिटरको दुईवटा सिलिन्डर भएको चिसो पानीले चिस्याइने इन्धन यन्त्र राखिएको छ। यसले बाह्र हजार घुम्तीमा तेत्तीस दशमलव पाँच अश्वशक्ति र एकाइस दशमलव पाँच न्युटन–मिटर घुमाउने बल दिन्छ।यसमा पनि दुई च्यानलको रोक प्रणाली, पछिल्लो पाङ्ग्रालाई थुता नदिने यन्त्र, अगाडि उल्टो फलामे झोल, सतरा इन्चको पाङ्ग्रा, रंगीन देखाउने पर्दा र छचक्के गियर प्रणाली रहेको छ।
मोर्बिडेली नेपालले बिक्रीपछिको सेवा, सामग्री उपलब्धता र सेवा केन्द्रको विस्तारलाई उच्च प्राथमिकतामा राख्ने प्रतिबद्धता जनाएको छ।
बिक्रीका साथै ग्राहक सन्तुष्टिमा केन्द्रित रहने नीतिसहित कम्पनीले आफ्ना सेवा केन्द्रहरू देशभर फैलाउने तयारी गरेको जानकारी दिएको छ। प्रदर्शनीको स्टल नम्बर ‘सी–पाँच’ मा पुग्ने आगन्तुकहरूले मोटरसाइकलमा विशेष छुट पाउने छन्। कम्पनीले केही मोडेलमा एक लाख रूपैयाँसम्मको छुट, निःशुल्क परिक्षण यात्रा, अग्रिम बुकिङमा उपहार लगायतका सुविधा दिएको छ। कम्पनीले मोटरसाइकलप्रेमीहरूलाई स्टलमा आएर अवलोकन र अनुभव गर्न आह्वान गरेको छ।