काठमाडौं, २४ असार । नेपाल टेलिकमले अन्तर्राष्ट्रिय सेवा प्रदायकबाट खरिद गरेको इन्टरनेट सेवामा आएको अवरोधका कारण हाल केही समयदेखि सेवा सुस्त भएको जानकारी दिएको छ।
नेपाल टेलिकमले प्रयोग गर्दै आएको अन्तर्राष्ट्रिय इन्टरनेट सेवा प्रदायकको नेटवर्कमा समस्या आएपछि हाल इन्टरनेट सेवा प्रभावित भएको जनाएको छ। टेलिकमका अनुसार, असार २४ गते बिहान १:३० बजेदेखि एक सेवा प्रदायकको नेटवर्कमा समस्या देखिएपछि सम्पूर्ण इन्टरनेट ट्राफिक वैकल्पिक प्रदायकमार्फत सञ्चालन गरिन थालेको हो।
यसकारण वैकल्पिक नेटवर्कमा अचानक बढेको चापले नेपाल टेलिकमको इन्टरनेट सेवा स्पीडमा समस्या देखिएको कम्पनीले जनाएको छ। यद्यपि, सेवा सुचारु गर्न आवश्यक प्रविधिक पहल तीव्र गतिमा भइरहेको र समस्या समाधानको प्रक्रियामा रहेको टेलिकमले स्पष्ट पारेको छ।
Discussion about this post